Pra heta paviedamiŭ v.a. hienieralnaha prakurora Ukrainy Aleh Machnicki ŭ žyvym efiry sumiesnaha prajekta «Šuster Live» i «Hramadskaha telebačańnia» ŭ niadzielu ŭviečary na Pieršym nacyjanalnym telekanale.
Jak adznačyŭ hienprakuror, vyśvietlena, što kanflikt u Krymie ŭźnik nie spantanna, śpiecapieracyja rychtavałasia niekalki hadoŭ.
«Sapraŭdy, ciaham apošnich čatyroch hadoŭ byłaja ŭłada va Ukrainie zdała nacyjanalnyja intaresy, jana dziejničała vyklučna na papaŭnieńnie ŭłasnaj kazny, asabistych kišeniaŭ. Zatoje jana zdavała nacyjanalnyja intaresy i dziejničała ŭ intaresach zamiežnaj dziaržavy, i ciaham apošnich čatyroch hadoŭ pastupova ździajśnialisia złačynstvy. Ździajśniała Słužba biaśpieki, i ŭ Słužbie biaśpieki pracavali nie tolki hramadzianie zamiežnaj dziaržavy, tam taksama pracavali rabotniki FSB i inšych śpiecsłužbaŭ Rasii», — skazaŭ Machnicki.
Pavodle jaho słovaŭ, viadziecca rasśledavańnie, i vinavatyja buduć pryciahnutyja da adkaznaści.
«Hety scenar rychtavaŭsia zahadzia, i, adpaviedna, usim hetym faktam budzie dadzienaja acenka i budzie pryniataje rašeńnie, i ŭsie hetyja asoby buduć pryciahnutyja da kryminalnaj adkaznaści», — adznačyŭ Machnicki.
