Ukraina nie piarečyć suprać taho, kab pravieści sumiesnuju antyterarystyčnuju apieracyju ź miratvorčymi siłami AAN na Uschodzie dziaržavy.
Ab hetym skazaŭ v.a. prezidenta Alaksandr Turčynaŭ u chodzie telefonnaj razmovy z hienieralnym sakratarom AAN Pan Hi Munam.
Padčas razmovy baki abmierkavali situacyju na Uschodzie Ukrainy.
Pa słovach Turčynava, situacyja na Uschodzie Ukrainy całkam paŭtaraje toj scenar, jaki razyhryvaŭsia Rasijaj u Krymie.
Kab suśvietnaja supolnaść pabačyła pravamiernaść dziejańniaŭ ukrainskich siłavikoŭ u chodzie apieracyi, Turčynaŭ prapanavaŭ Pan Hi Munu pravieści sumiesnuju apieracyju ź miratvorčymi siłami AAN.
U svaju čarhu, Pan Hi Mun adznačyŭ, što ŭłady pryniali tyja kroki, «jakija byli nieabchodnyja dla ŭrehulavańnia situacyi va Ukrainie ŭ cełym i na Uschodzie i Poŭdni ŭ pryvatnaści».
«Vy možacie całkam raźličvać na AAN jak na partniora. Ja zrablu usio, što ad mianie zaležyć, kab situacyja chutčej vyrašyłasia mirnym šlacham», — padsumavaŭ hienieralny sakratar.
