7 listapada ab 11.45 u škole Jakieła ŭ miastečku Tuusuła
, jakoje mieścicca ŭ 60 kilametrach ad Chelsynki, adzin z vučniaŭ adkryŭ ahoń pa nastaŭnikach i adnaklaśnikach. U vyniku stralaniny zahinuli 8 čałaviek: piać junakoŭ, dziaŭčynka, medsiastra j dyrektar škoły. Kali napadnika blakavała palicyja, jon streliŭ u siabie ź pistaleta j skanaŭ ad rany ŭ bolnicy viečaram 7 listapada.
Finskija ŚMI apisvajuć vinoŭnika trahiedyi jak čałavieka, uzłavanaha na hramadztva. Nastaŭniki ŭzhadvajuć, što padletak byŭ niešmatsłoŭnym, cikaviŭsia historyjaj, filazofijaj, mocnymi histaryčnymi postaciami.
Junak raniej nia byŭ sudzimy j na ŭliku ŭ pravaachoŭnych orhanaŭ nie stajaŭ.
Heta pieršaja padobnaja trahiedyja ŭ historyi Finlandyi. Siońnia ŭ krainie abjaŭlenaja žałoba.
