Anatol Rubinaŭ (u centry), fota BiełTA
Anatol Rubinaŭ matyvavaŭ svoj sychod z pasady staršyni savieta respubliki chvarobaj, — raspavioŭ u parłamiencie Alaksandr Łukašenka.
«Ale jon čałaviek ścipły. Nikoli nie skaža sapraŭdnaj pryčyny. My ź im doŭha abmiarkoŭvali hetyja pytańni. Vy viedajecie, što heta moj vielmi blizki siabar, čałaviek, jaki niamała zrabiŭ dla našaj dziaržavy. Sprava nie ŭ chvarobie. Heta nie značyć, što jon sychodzić ad aktyŭnaj dziaržaŭnaj dziejnaści, roŭna jak i Barys Batura, Piatro Rudnik, jakija tut prysutničajuć, Kanstancin Sumar [byłyja kiraŭniki abłvykankamaŭ]. Ja vielmi raźličvaju na ich dalejšuju pracu. My vyznačymsia, jakim čynam i ŭ jakim abjomie jany buduć zajmacca dziaržaŭnymi pytańniami», — rastłumačyŭ kiraŭnik dziaržavy.
Viartajučysia da temy sychodu Anatola Rubinava z pasady śpikiera savieta respubliki, Łukašenka adznačyŭ:
«Anatol Mikałajevič, ja absalutna heta viedaju, pieražyvaje za svaju maleńkuju siamju. Jon vyrašyŭ usio-taki, što budzie vielmi važna, kali jon u hety ciažki čas dla hetaj maleńkaj siamji, ja nie budu kazać pra padrabiaznaści, addaść joj bolš času. Heta dastojna čałavieka, ja jaho razumieju».
