Dačka zabitaha apazicyjnaha palityka Barysa Niamcova Žanna u intervju Bi-bi-si ŭskłała palityčnuju adkaznaść za heta złačynstva na prezidenta Rasii Uładzimira Pucina.
«Moj baćka byŭ samym hałoŭnym krytykam Pucina. Jon byŭ samym mocnym lidaram apazicyi ŭ Rasii. Jon zmahaŭsia z Pucinym, a nie z kim-niebudź jašče», — miarkuje dačka Niamcova.
Na ŭdakładniajučaje pytańnie karespandenta ci ŭskładaje Žanna Niamcova adkaznaść za śmierć baćki na Uładzimira Pucina, jana paćvierdziła: «U palityčnym sensie, tak».
Adrazu paśla pachavańnia Barysa Niamcova Žanna vyjechała za miažu, i intervju dla Bi-bi-si było zapisana ŭ Italii.
«Jany zabili majho baćku, ja nie mahu maŭčać», — patłumačyła Niamcova, dadaŭšy, što nie baicca viartacca ŭ Rasiju.
Niamcova ličyć, što aficyjnaje śledstva nie ŭstaluje sapraŭdnych arhanizataraŭ zabojstva jaje baćki.