Misija, jakaja pryjechała pa prośbie biełaruskich uład, budzie pracavać u Biełarusi da 15 lipienia, zaznačyli ŭ MVF.
«Metaj misii ź`iaŭlajecca abmierkavańnie mier ekanamičnaj palityki i płanaŭ uład pa praviadzieńni reform, uklučajučy acenku taho, ci stali jany dastatkova rašučymi, kab być padtrymanymi ŭ miežach pahadnieńnia z MVF», — paviedamili ŭ pradstaŭnictvie.
Nahadajem, 26 červienia ministr finansaŭ Uładzimir Amaryn paviedamiŭ žurnalistam, što misija MVF płanuje padčas vizitu abmierkavać novuju krainavuju prahramu. U miežach hetaj prahramy biełaruski bok raźličvaje atrymać novy kredyt ad MVF. Amaryn nie staŭ nazyvać, na jakuju sumu kredytu raźličvaje Biełaruś, zaznačyŭšy, što heta budzie suma «niedzie prykładna ŭ miežach» pamieru papiaredniaha kredytu MVF, jaki skłaŭ kala 3,5 młrd. dołaraŭ.
Amaryn taksama zaznačyŭ, što novaja krainavaja prahrama zasnoŭvajecca na darožnaj karcie, raspracavanaj Biełaruśsiu sumiesna z Suśvietnym bankam.
