Deputaty hrečaskaha parłamienta prahałasavali za pryniaćcie pakieta mier žorstkaj ekanomii, čaho patrabavali kredytory z krain jeŭrazony ŭ jakaści papiaredniaj umovy vydzialeńnia šmatmiljardnaha pakieta dapamohi.
Na fota — ministr finansaŭ Eŭklid Cakałotas i premjer Aleksis Cypras, AP
Kredytory patrabavali ad parłamienta nie paźniej za sieradu ratyfikavać pahadnieńnie, dasiahnutaje paśla zaciažnych pieramoŭ ranicaj u paniadziełak.
Hałasavańniu papiaredničali zaciažnyja debaty ŭ parłamiencie i akcyi pratestu na vulicach pierad im.
Suprać pahadnieńnia prahałasavali niekatoryja ŭpłyvovyja deputaty ad kirujučaj levaj partyi «SIRYZA», u tym liku Janis Varufakis, jaki pakinuŭ pasadu ministra finansaŭ niezadoŭha da dasiahnieńnia damoŭlenaściej z kredytorami.
Za 86 młrd jeŭra kredytory patrabujuć ad Hrecyi ceły šerah zakanadaŭčych mier, jakija praduhledžvajuć, u pryvatnaści, pavyšeńnia padatkaŭ i piensijnaha ŭzrostu.
Pierakonvajučy parłamientaryjaŭ padtrymać hetyja miery, premjer-ministr Aleksis Cypras skazaŭ, što i sam nie vieryć u ich efiektyŭnaść.
Adnak, skazaŭ jon, realizacyja hetych «iracyjanalnych» prapanoŭ dazvolić paźbiehnuć kałapsu hrečaskich bankaŭ, u jakich amal nie zastałosia hrošaj, i jašče bolšych biedaŭ dla ŭsioj Hrecyi.
«Hrečaski narod u zdarovym rozumie i razumieje roźnicu pamiž tymi, chto zmahajecca, chaj i u niespraviadlivym bai, i tymi, chto zdaje zbroju», — zajaviŭ jon.