Biełaruskaja čyhunka z 20 lipienia pierachodzić na novuju schiemu akazańnia pasłuhi «Elektronnaja pieravozka». Pra heta paviedamili ŭ pres-centry BČ.
Asnovu novaj schiemy składaje web-servis «Asabisty kabiniet». Uvajści ŭ jaho možna praz aficyjny sajt Centra abarony infarmacyi BČ.
Ukaranieńnie web-servisu daść mahčymaść maksimalna aŭtamatyzavać praces zaklučeńnia i vykanańnia dahavoraŭ pamiž Centram abarony infarmacyi i klijentami Biełaruskaj čyhunki. Akramia taho, budzie pavyšana apieratyŭnaść ich uzajemadziejańnia i skaročany zatraty. «Kali raniej dla rehistracyi ŭ jakaści karystalnikaŭ aŭtamatyzavanaj sistemy (AS) «Elektronnaja pieravozka», a taksama dla pradaŭžeńnia i kiravańnia pravami karystalnika klijentam było nieabchodna asabista naviedać Centr abarony infarmacyi BČ, to z 20 lipienia ŭsie hetyja apieracyi možna ažyćciaŭlać dystancyjna, sa svajho rabočaha miesca ŭ «Asabistym kabiniecie», — rastłumačyli ŭ pres-centry.
Pry dapamozie «Asabistaha kabinieta» hruzaadpravicieli i hruzaatrymalniki zmohuć dystancyjna stvarać profili svaich pradpryjemstvaŭ i kiravać imi — rehistravać novych karystalnikaŭ, zakazvać pasłuhi, uvodzić infarmacyju pa apłacie pasłuh, dystancyjna analizavać zakazanyja pasłuhi.
Ciapier Biełaruskaja čyhunka stvaryła ŭsie ŭmovy dla pieravodu hruzavych pieravozak u miežach respubliki na elektronny dakumientaabarot z prymianieńniem elektronna-ličbavaha podpisu. Da AS «Elektronnaja pieravozka» padklučany ŭsie hruzavyja stancyi BČ. Bolš za 300 pradpryjemstvaŭ Biełarusi vykarystoŭvajuć jaje mahčymaści pry arhanizacyi pieravozak hruzaŭ i parožniaha ruchomaha sastavu.
