Rasija zrobić vajskovyja «kontrzachady» u vypadku, kali Šviecyja ustupić u NATA. Pra heta zajaviŭ pasoł Rasii ŭ Stakholmie Viktar Tataryncaŭ u intervju miascovym ŚMI, pieradaje The Independent.
Asudziŭšy toje, što, pa jaho słovach źjaŭlajecca «ahresiŭnaj prapahandysckaj kampanijaj u ŚMI» [suprać RF], pasoł padkreśliŭ, što «Šviecyja nie źjaŭlajecca metaj dla ŭzbrojenych sił Rasii».
U toj ža čas, adkazvajučy na pytańnie ab padtrymcy šviedami ŭstupleńnia krainy ŭ NATA, Tataryncaŭ papiaredziŭ ab zachadach u adkaz z rasijskaha boku.
«Pucin adznačaŭ, što buduć nastupstvy, Rasii pryjdziecca źviarnucca da reakcyi vajennaha charaktaru i pieraaryjentavać svaje vojski i rakiety», — adznačyŭ pasoł.
«Kraina, jakaja ŭstupaje ŭ NATA, pavinna ŭśviedamlać ryzyki, jakim jana padviarhajecca», dadaŭ jon.
U toj ža čas, Tataryncaŭ vykazaŭ sumnieŭ adnosna mahčymaści chutkaha ŭstupleńnia Šviecyi ŭ NATA.