U Ivacevickim rajonie 7 žniŭnia kala 18.40 u DTZ zahinuła žančyna, jašče adna — traŭmavanaja.
Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, 36-hadovy žychar Hancavickaha rajona, jaki kiravaŭ «Falksvahienam Poła», ruchaŭsia pa hravijnaj darozie z boku vioski Babrovičy ŭ kirunku vioski Vyhanaščy.
Na zakruhleńni darohi kiroŭca nie spraviŭsia z kiravańniem, vyjechaŭ na levuju abočynu i pierakuliŭsia.
U vyniku 26-hadovaja pasažyrka «Falksvahiena» ad atrymanych traŭmaŭ zahinuła na miescy. Druhaja atrymała ŭdary hałaŭnoha mozhu, hrudnoj kletki, levaha ściahna. 41-hadovaja paciarpiełaja špitalizavanaja ŭ traŭmatałahičnaje adździaleńnie Ivacevickaj centralnaj rajonnaj balnicy.
Abiedźvie pasažyrki — žycharki vioski Vyhanaščy. U momant avaryi jany nie byli pryšpilenyja ramianiami biaśpieki.
Pa fakcie DTZ pravodzicca pravierka. Ustanoŭlena, što kiroŭca znachodziŭsia ŭ stanie ałkaholnaha apjanieńnia i nikoli nie mieŭ paśviedčańnia kiroŭcy.
