Aficyjny vizit prezidenta Biełarusi ŭ Vjetnam płanujecca ŭ kancy 2015 hoda. Ab hetym siońnia išła razmova na sustrečy kiraŭnika biełaruskaj dziaržavy Alaksandra Łukašenki z Nadzvyčajnym i Paŭnamocnym Pasłom Vjetnama ŭ Biełarusi Do Van Majem, jaki zaviaršaje svaju misiju ŭ krainie.
Pavodle słoŭ pasła, važnym etapam u raźvićci dvuchbakovych adnosin staŭ vizit u Biełaruś u listapadzie 2014 hoda Hienieralnaha sakratara CK Kampartyi Vjetnama Nhujen Fu Čonha. Dypłamat vykazaŭ nadzieju, što vizit, jaki zapłanavany na kaniec 2015 hoda, jašče bolš pašyryć dvuchbakovyja adnosiny.
U handlova-ekanamičnaj śfiery novuju epochu va ŭmacavańni tradycyjna družalubnych adnosin adkryła padpisańnie ŭ mai 2015 hoda pahadnieńnia ab zonie svabodnaha handlu pamiž Vjetnamam i JEAES, dadaŭ pasoł.
