Pra heta jon zajaviŭ siońnia ŭ čas razmovy z pradstaŭnikami pracoŭnaha kalektyvu AAT «Biełaviežski» i žycharami vioski Rasna.
Jon adznačyŭ, što hety praces užo pačaŭsia. «Całkam pierarobim! My pazbavim u škole dziaciej taho, kab im zapichvali pradmiety i abjomy viedaŭ z vyšejšaj škoły», — skazaŭ kiraŭnik dziaržavy. Alaksandr Łukašenka zaŭvažyŭ, što ŭ školnuju prahramu ŭžo mnohaje pieranieśli z vyšejšaj adukacyi.
«Navošta? U škole treba stvaryć bazu, zaryjentavać čałavieka, kab jon zrazumieŭ, ci jon na ziamlu pojdzie pracavać, abo ŭ inšuju śfieru, kab jon vyrazna heta ŭśviadomiŭ. I dać jamu patrebny abjom viedaŭ, jaki jon zmoža zasvoić. Dzieci roznyja. I ŭ siaredniaj škole adbudziecca adbor: niechta ŭ vyšejšuju adukacyju pojdzie, niechta ŭ kaledžy i technikumy, niechta ŭ vučylišča», — ličyć kiraŭnik dziaržavy.
