Hałoŭny trenier BATE Alaksandr Jermakovič acaniŭ hulniu kamandy ŭ matčy z «Barsiełonaj» (0:2).
Uefa.com
— Čakali bolšaha ad pieršaha tajma. Nie atrymaŭsia vychad u kontrataku. Dy i na praciahu ŭsioj hulni nie atrymlivaŭsia. Hałoŭnaje rasčaravańnie. Nam padnieśli ŭrok futboła. Jak treba atakavać, jak dziejničać pry stracie miača. Uzrovień supiernika adčuvajecca va ŭsim. Treba vučycca i vučycca.
— Hulcy BATE atrymali vielmi šmat žoŭtych kartak.
— Vielmi składana hulać ad abarony. Prasili hulcoŭ falić, kali nie buduć paśpiavać za supiernikam. A takija situacyi ŭźnikali davoli časta.
— U minuły raz u matčach z «Barsiełonaj» BATE sastupiŭ 0:4 i 0:5, a ciapier 0:2. Ci možna kazać pra prahres?
— Ja b nie kazaŭ pra prahres. Była vidać vialikaja pieravaha «Barsiełony». A nievialikaja roźnica ŭ liku — zadavolvacca hetym nie ŭ našych praviłach.
(…)
— Prakamientujcie schilnaść kamandy da drobnaha pierapasu, jaki zapavolvaŭ hulniu BATE i paśla jakoha naradziŭsia pieršy hoł.
— Šmat kazali pra heta i tłumačyli, što tak hulać nielha, pakazvali na prykładach. Ale adna sprava — kazać, a inšaja — ažyćciavić skazanaje na praktycy. U čempijanacie Biełarusi lišnija pieradačy prachodziać. Moža, nie pryvykli da takoha cisku, presinhu, i supiernik za heta nas pakaraŭ.
— Łuis Enrykie adznačyŭ, što BATE nie chapała Radzivonava.
— Zrazumieła, što Vitalik Radzivonaŭ — naš lidar. Hleb u aptymalnaj formie — taksama lidar. Adbiłasia adsutnaść Žaŭnierčyka. U inšych chłopcaŭ źjaviŭsia šaniec siabie prajavić. Ale roźnica ŭ kłasie kałasalnaja.