Pamiery płaty za praviadzieńnie niekatorych administracyjnych pracedur u Biełarusi buduć pavialičanyja. Adpaviednaje rašeńnie źmieščana va ŭkazie numar 53 ad 15 lutaha, paviedamlaje Nacyjanalny centr pravavoj infarmacyi.
«Naprykład, vydača pašparta hramadzianinu Biełarusi, jaki pražyvaje ŭ Biełarusi, u suviazi z dasiahnieńniem 14-hadovaha ŭzrostu, a taksama vydača nazvanaha dakumienta ŭ vypadku jaho straty abo kradziažu abyducca hramadzianinu ŭ 1 bazavuju vieličyniu (210 tysiač rubloŭ) pry tym, što ciapier — 0,5 bazavaj», — havorycca ŭ paviedamleńni.
U adnosinach da biełarusaŭ, jakija znachodziacca na poŭnym dziaržaŭnym zabieśpiačeńni, zachoŭvajecca biazvypłatny charaktar praviadzieńnia nazvanych pracedur.
Akramia taho, pavialičanyja pamiery płaty za pracedury, źviazanyja z abmienam pašpartoŭ hramadzian Biełarusi, jakija pražyvajuć u respublicy, a taksama vydačaj i abmienam paśviedčańnia na prava žycharstva zamiežnym hramadzianam abo asobam biez hramadzianstva, jakija pastajanna pražyvajuć u respublicy.
Ukazam taksama źmienieny košt niekatorych pracedur u śfiery rehistracyi aktaŭ hramadzianskaha stanu. Tak, rehistracyja źmieny proźvišča, ułasnaha imia, imia pa baćku zamiest 1 BV budzie kaštavać 2 BV.
Košt vydačy paŭtornaha paśviedčańnia ab rehistracyi akta hramadzianskaha stanu, a taksama adnaŭleńnie zapisaŭ aktaŭ hramadzianskaha stanu pavialičany z 0,5 da 1 BV.
Akramia pieraličanaha, u Biełarusi pavialičany košt praviadzieńnia asobnych administracyjnych pracedur u śfierach afarmleńnia znachodžańnia zamiežnych hramadzian i asob biez hramadzianstva ŭ krainie, achovy abjektaŭ pravoŭ pramysłovaj ułasnaści, transpartu, prastaŭleńnia apastyla na dakumientach, lehalizacyi dakumientaŭ i inšych śfierach.
Ukaz ustupaje ŭ siłu z 19 lutaha 2016 hoda.
