Dekret admianiaje taksama nieabchodnaść atrymańnia zhody prezidenta Biełarusi abo abłasnych (Minskaha haradskoha) Savietaŭ deputataŭ na rearhanizacyju jurydyčnych asob, stvoranych da 24 sakavika 1998 hoda ŭ pracesie raździaržaŭleńnia i pryvatyzacyi pradpryjemstvaŭ.
Jak adznačyli ŭ Dziaržkammajomaści, dekret vydadzieny ŭ metach udaskanaleńnia zakanadaŭstva pa pytańniach pryvatyzacyi dziaržaŭnaj majomaści, abarony pravoŭ i zakonnych intaresaŭ hramadzian.
Dakumient taksama praduhledžvaje farmiravańnie na trochhadovy pieryjad płana pryvatyzacyi abjektaŭ respublikanskaj ułasnaści. Budzie składacca pieralik respublikanskich unitarnych pradpryjemstvaŭ, jakija padlahajuć pryvatyzacyi šlacham pieraŭtvareńnia ŭ adkrytyja akcyjaniernyja tavarystvy. Taksama praduhledžana farmiravańnie na trochhadovy pieryjad pieralikaŭ akcyjaniernych tavarystvaŭ, akcyi jakich, što naležać Respublicy Biełaruś, padlahajuć prodažu.
Miascovym Savietam deputataŭ daručana ŭ trochmiesiačny termin raspracavać i zaćvierdzić anałahičny paradak farmiravańnia płanaŭ pryvatyzacyi abjektaŭ, jakija znachodziacca ŭ kamunalnaj ułasnaści, a taksama prodažu akcyj AAT, jakija znachodziacca ŭ kamunalnaj ułasnaści.
Dekret zdymaje zabaronu na adčužeńnie akcyj adkrytych akcyjaniernych tavarystvaŭ, za vyklučeńniem AAT, jakija zabiaśpiečvajuć funkcyjanavańnie stratehična značnych halin ekanomiki i (abo) inšyja važnyja dziaržaŭnyja patrebnaści. Pieralik takich pradpryjemstvaŭ taksama budzie składacca i zaćviardžacca Savietam Ministraŭ pa ŭzhadnieńniu z prezidentam krainy.
Takim čynam, adznačyli ŭ Dziaržkammajomaści, z 1 červienia 2008 hoda zdymajecca maratoryj na prodaž akcyj AAT, u jakich dola dziaržavy ŭ statutnym fondzie na 31 sakavika 2008 hoda adsutničaje abo składaje 75 pracentaŭ i bolš. A z 1 studzienia 2009 hoda heta budzie datyčycca i akcyjaniernych tavarystvaŭ, dzie dola dziaržavy składaje bolš jak 50 pracentaŭ.
Akramia taho, dekretam vyklučany taki sposab pryvatyzacyi, jak vykup arandavanaj dziaržaŭnaj majomaści, tamu što ciapier jon straciŭ aktualnaść.
