U staražytnaje miastečka Mir 31 traŭnia pryjdzie śviata mastactvaŭ «Mirski zamak», sioleta jano budzie šostym pa liku.
Tradycyjna ŭ ramkach śviata projduć navukovyja čytańni, u Domie kultury adkryjecca vystava fotamastakoŭ Haradzienščyny «Biełaruś staražytnaja».
I staražytnaja muzyka stanie hałoŭnym ćvikom prahramy. Asobnuju prahramu pryviazie kamerny arkiestar Nacyjanalnaha kancertnaha arkiestra Biełarusi, jakim padčas hetaha kancerta Michaił Finbierh davieryć kiravać dyryžoru Valeryju Saroku.
«Muzyka ŭ duchoŭnaj prastory Biełarusi. Šlach praz stahodździ» — razvahi na hetuju temu buduć asabliva plonnymi la staražytnych ścien zamku pad muzyku, jakuju možna budzie pasłuchać u vykanańni roznych kamernych kalektyvaŭ.
Ale i žychary rajonnaha centra Kareličy dałučacca da śviata — dla ich rychtujecca vialikaja prahrama kancertu z udziełam salistaŭ Nacyjanalnaha kancertnaha arkiestru pad kiraŭnictvam Michaiła Finbierha.