Łuninieckim rajonnym adździełam Śledčaha kamiteta zaviedziena kryminalnaja sprava pa č.2 art.166 KK (zhvałtavańnie, učynienaje hrupaj asob), paviedamiła BIEŁTA aficyjny pradstaŭnik USK pa Bresckaj vobłaści Maryna Drańkova.
Kryminalnaja sprava raspačata ŭ dačynieńni da dvuch mužčyn 1981 hod i 1986 hadoŭ naradžeńnia. Žychary Łuninca padazrajucca ŭ tym, što ŭ noč na 19 śniežnia ŭ adnym ź sielskich nasielenych punktaŭ rajona nasupierak voli paciarpiełaj, z užyvańniem fizičnaha hvałtu naździekavalisia z 29-hadovaj žančyny. Inicyjataram supraćpraŭnych dziejańniaŭ staŭ starejšy z padazravanych, jaki ŭ toj čas znachodziŭsia ŭ stanie ałkaholnaha apjanieńnia. Druhi padśledny akazvaŭ jamu sadziejničańnie, utrymlivajučy paciarpiełuju. Z zajavaj ab zhvałtavańni ŭ milicyju źviarnułasia sama paciarpiełaja.
Hałoŭny padazravany pa spravie zaklučany pad vartu. Mužčynu pradjaŭlena abvinavačvańnie.