Ministerstva kultury Polščy nabyło suśvietna viadomuju kalekcyju karcin, u jakoj, u liku inšych, jość pracy Leanarda da Vinčy i Rembranta.
Usiaho ŭ tak zvanaj kalekcyi kniazioŭ Čartaryjskich, jakaja znachodzicca ŭ Krakavie, naličvajecca kala 86 tysiač ekspanataŭ. Akramia tvoraŭ mastactva jana ŭklučaje ŭ siabie kala 250 tysiač roznych histaryčnych dakumientaŭ i knih.
Kalekcyja nabyta ŭradam krainy za sumu 100 młn jeŭra (105 młn dalaraŭ), choć jaje košt aceńvajecca prykładna ŭ 2 młrd jeŭra.
Ciapierašni ŭładalnik kalekcyi Adam Karal Čartaryjski zajaviŭ, što takim čynam robić svajho rodu achviaravańnie na karyść dziaržavy.
Hetuju kalekcyju ŭ 1801 hodzie pačała źbirać Izabeła Čartaryjskaja.
Samym značnym ekspanatam źjaŭlajecca znakamitaja karcina Leanarda da Vinčy «Dama z harnastajem», na jakim namalavanaja junaja miłanskaja pryhažunia Čečylija Halerani.