27 lipienia ŭ Salihorsku adbyŭsia štohadovy konkurs malunkaŭ, pryśviečany uhodkam pryniaćcia deklaracyi ab niezaležnaści Biełarusi. Dziesiatki maładzionaŭ, što sabralisia ŭ centry horadu, sprabavali praz malunki vyjavić luboŭ da Baćkaŭščyny.
Mierapryjemstva nabyvaje charaktar tradycyjnaha, voś užo treci hod zapar «Małady Front» prapanuje salihorcam taki konkurs. Sioleta niekatoryja ŭdzielniki surjozna rychtavalisia i heta vyjaviłasia ŭ sapraŭdnych tvorach mastactva na asfalcie: kniaź Alhierd, mienski Čyrvony kaścioł i vyjavy nacyjanalnaha hierba "Pahonia" niekalki hadzinaŭ radavali minakoŭ. Atmasfera taksama była śviatočnaj: muzyka, uśmieški,talenavityja malunki, dzieci z baćkami – heta toje, što robicca admietnaściu konkursu.
Jak i abiacali arhanizatary,niekatoryja aŭtary byli adznačany kaštoŭnymi pryzami: biełaruskimi knižkami, aŭdyjoknihami, sakołkami. Žury, u skład jakoha ŭvachodzili viadomaja paetka Nina Jermalinskaja, a taksama «maładafrontaviec», redaktar «Svabodnaha Salihorsku» Alaksiej Vałabujeŭ, vyznačyli najlepšyja pracy. Pieramožcam, voś užo druhi raz, staŭ Hleb Sandras, navučeniec BDU. Druhoje miesca zaniała praca "Kniaź Alhierd"(Šynkievič Taćciana i Tarianik Alina), treciaje miesca adpaviedna vyjava "Pahoni".
Supracoŭniki milicyi pavodzili siabie strymana, praviarajučy pašparty ŭ tych, chto fatahrafavaŭ konkurs.
Praz 5 chvilin paśla zaviaršeńnia, spectechnika ŽKH, jakaja terminova prybyła na miesca konkursu, zmyła malunki.
 |
 |
 |
