U Breście ratavalniki dastali kotku ź vientylacyjnaj šachty 10-paviarchovaha doma, paviedamili ŭ abłasnym upraŭleńni MNS.
Fota Bresckaha abłasnoha ŭpraŭleńnia MNS
Vypadak adbyŭsia ŭ Zarečnym mikrarajonie abłasnoha centra ŭ adnym sa šmatpaviarchovych damoŭ pa vuł. Salnikava. Žyvioła pravaliłasia ŭ vientkanał, zvaliŭšysia z 30-mietrovaj vyšyni jašče niekalki dzion tamu.
Nieabyjakavyja ludzi źviarnulisia pa dapamohu da supracoŭnikaŭ MNS. Niahledziačy na toje, što padobnyja vypadki nie ŭvachodziać u zadačy słužby pa nadzvyčajnych situacyjach, bresckija ratavalniki adhuknulisia na prośbu.
Vyznačyć miescaznachodžańnie kotki akazałasia niaprosta. Daviałosia vyvučać prajektnuju dakumientacyju i pryciahvać śpiecyjalistaŭ-budaŭnikoŭ. Jak vyśvietliłasia, znachodziłasia viaźnica na ŭzroŭni pieršaha paviercha. Praź niekatory čas śpiecyjalisty zrabili ŭ ścianie nievialikuju adtulinu i vyzvalili zmučanuju i pierapudžanuju žyviołu ź bietonnaj pastki.