Čatyry palityčnyja lidery na siońniašniaj sustrečy razmaŭlali ab kaštoŭnasnaj asnovie kaalicyjnaha budaŭnictva. Udzieł uziali Lavon Barščeŭski (Partyja BNF), Alaksandar Milinkievič (Ruch za Svabodu), Pavał Sieviaryniec (BCHD) i Źmicier Daškievič («Małady front»).
«Sustreča była zaplanavanaja dla abmierkavańnia pytańniaŭ vybarčaj kampanii i dalejšaj supracy. Ideja zajavy naradziłasia padčas abmierkavańnia. Dziela ahulnaj pracy pavinna być niejkaja baza kaštoŭnaściej. Hetaja baza — biełaruskaja niezaležnaść», — kaža P. Sieviaryniec.
Palityk pryvodzić u prykład niadaŭnija słovy Siarhieja Kalakin ab tym, što «Biełaruś taksama nabyła niezaležnaść dosyć dziŭnym čynam». «My nie prymajem takoj pazycyi, jakaja panuje siarod častki pradstaŭnikoŭ ADS. Naša zajava nakiravana na toje, kab dać tryvały padmurak dla ADS. Abjadnać usich, chto padtrymlivaje ideju niezaležnaści. ADS na siońnia źjaŭlajecca pieramoŭnaj placoŭkaj jak SND, a realnyja spravy robiać adnadumcy».
Sieviaryniec kaža, što dałučycca da hrupy mohuć i inšyja palityki.
Źviartaje na siabie ŭvahu toje, što siarod udzielnikaŭ nie było kaardynatara «Chartyi‑97» Andreja Sańnikava. Nie było i pradstaŭnikoŭ KCHP‑BNF.
