Alaksandr Łukašenka zapatrabavaŭ razabracca z farmiravańniem taryfaŭ u enierhietycy.
Pra heta jon zajaviŭ siońnia ŭ svaim vystupie na respublikanskim sieminary ab udaskanaleńni i raźvićci ŽKH, adznačaje BiełTA.
«Vy, Leanid Vasiljevič Anfimaŭ (staršynia KDK), vyjavili ŭ kamunalnikaŭ reziervy źnižeńnia zatrat pa žyllova-kamunalnych pasłuhach. Ale vialiki ŭpłyŭ na ich košt akazvajuć enierhietyki. Vy hladzieli, jak jany farmujuć svaje taryfy, kolki prybytku zakładvajuć? Raźbiaryciesia, jakija ŭstanoŭleny im zarpłaty, za što jany ŭtrymlivajuć svaje krutyja sanatoryi, bazy i inšaje, — skazaŭ kiraŭnik dziaržavy. — Žyravać za košt hrošaj ludziej niedapuščalna ni dla kaho! I kali takija fakty buduć vyjaŭleny da nastupnaha vašaha ŭdakładnieńnia taryfaŭ, ministru treba šukać inšuju pracu. Jon byŭ tudy pryznačany, kab bieź viedamasnaha padychodu vyrašyć hetyja pytańni, raskłaści vydatki svajho viedamstva i prybrać uvieś lišni tłušč. Pakul hetaha nie adbyvajecca».
