Žychar Niaśvižskaha rajona pryznany vinavatym u žorstkim zabojstvie svajho cieścia, mužčyna atrymaŭ 14 hadoŭ pazbaŭleńnia voli.
Biada zdaryłasia jašče 22 lutaha 2017. Dvoje mužčyn vypivali, paśla pasvarylisia. Ziać pačaŭ źbivać cieścia. Vyśvietlena, što jon nanios nie mienš za 31 ŭdar rukami i nahami pa hałavie, šyi, tułavie, vierchnim i nižnim kaniečnaściam, a taksama nie mienš za try razy skoknuŭ jamu na hrudnuju kletku.
Paśla hetaha ziać vyciahnuŭ paciarpiełaha z domu i pakinuŭ u nieprytomnym stanie na hanku pry tempieratury pavietra nie vyšej za plus 1,5 hradusa.
«U vyniku paciarpieły pamior na miescy. Z ulikam hramadskaj niebiaśpieki ździejśnienaha złačynstva, ciažaru nastupstvaŭ, a taksama dadzienych, jakija charaktaryzujuć asobu vinavataha, abvinavačanamu pryznačana pakarańnie ŭ vyhladzie 14 hadoŭ pazbaŭleńnia voli z adbyvańniem u kałonii ŭzmocnienaha režymu», — paviedamlaje BiełTA.
Prysud Minskaha abłasnoha suda ŭstupiŭ u siłu.
