Supracoŭniki barysaŭskaj milicyi zatrymali pravaabaroncu Aleha Mackieviča, jaki vyjšaŭ siońnia na adzinočny pikiet, kab patrabavać adstaŭki ministra abarony Andreja Raŭkova i pryciahnieńnia da kryminalnaj adkaznaści ŭsich vinavatych u śmierci sałdata terminovaj słužby Alaksandra Koržyča, paviedamlaje spring96.org
Pierad hetym na svajoj staroncy ŭ fejsbuku Mackievič źmiaściŭ fota płakata i łakaničny podpis:
«Kažuć, što ŭ čałavieka zaŭsiody jość vybar. Siońnia ŭ mianie jaho niama. Ja pajšoŭ…»
13 kastryčnika Aleh Mackievič nakiravaŭ u Barysaŭski haradski vykanaŭčy kamitet zajaŭku na praviadzieńnie 30 kastryčnika pikietu na centralnaj płoščy horada, nasuprać budynku Paŭnočna-zachodniaha apieratyŭnaha kamandavańnia. Nahodaj dla hetaha stała trahičnaja hibiel sałdata ŭ barysaŭskich Piačach.
Barysaŭski vykankam admoviŭ pravaabaroncu Alehu Mackieviču ŭ praviadzieńni pikieta 30 kastryčnika. pravaabaroncu advieźli ŭ Barysaŭski RAUS.