Pryčynaj śmierci vaśmihadovaha chłopčyka, jaki pamior 27 kastryčnika paśla treniroŭki ŭ Pałacy vodnych vidaŭ sportu ŭ Breście, mahła być anamalija serca. Pra heta tut.by paviedamiła aficyjny pradstaŭnik upraŭleńnia Dziaržaŭnaha kamiteta sudovych ekśpiertyz Taćciana Sivickaja.
Ciapier śpiecyjalistami pravodziacca sudova-miedycynskaja, histałahičnaja i sudova-chimičnaja ekśpiertyzy. U jakaści adnoj z mahčymych viersij hibieli dziciaci taksama razhladajecca virusnaja infiekcyja. Vyrašajecca pytańnie ab pryznačeńni virusałahičnaha daśledavańnia, jakoje budzie pravodzicca ŭ Minsku.
Dakładny adkaz na pytańnie ab pryčynach śmierci chłopčyka možna budzie dać pa vynikach ŭsich ekśpiertyz.
Nahadajem, 27 kastryčnika ŭ Bresckim pałacy vodnych vidaŭ sportu paśla treniroŭki pamior vaśmihadovy chłopčyk. Trahiedyja adbyłasia kala 19.00. Pavodle papiaredniaj infarmacyi, chłopčyk papłavaŭ ŭ basiejnie, pajšoŭ u trenažornuju zału. Tam jamu stała kiepska, i jon pavaliŭsia na padłohu. Piersanał vyklikaŭ chutkuju. Chłopčyka pavieźli ŭ reanimacyju, dzie kala 20.30 jon pamior.
Pravierku pa fakcie śmierci dziciaci pravodzić Śledčy kamitet.
