Vajskovyja manieŭry «Uschod-2018» pačalisia na Dalokim Uschodzie — jany stanuć najbujniejšymi ŭ Rasii za 37 hadoŭ. Da vučeńniaŭ pryciahnuć amal 300 tysiač vajskoŭcaŭ, dziasiatki tysiač braniamašyn, viertalotaŭ, samalotaŭ, bieśpiłotnikaŭ i karabloŭ, a taksama padraździaleńni z Kitaja i Manholii, paviedamlajecca na sajcie Minabarony.
Manieŭry projduć z 11 pa 17 vieraśnia pad kiraŭnictvam ministra abarony Siarhieja Šojhu.
Vučeńni padzielać na dva etapy. Na pieršym zavieršać razhortvańnie vojskaŭ na Dalokim Uschodzie i naroščvańnie sił Vajenna-marskoha fłotu ŭ rehijonie. Na druhim budzie adpracavana kiravańnie mižvidavymi hrupoŭkami vojskaŭ z abaronaj i nadychodam.
Hałoŭnaja meta manieŭraŭ, adznačaje Minabarony Rasii, - heta pravierka ŭzroŭniu padrychtoŭki vajennaha kiraŭnictva pry płanavańni i praviadzieńni pierahrupoŭki vojskaŭ na vialikija adlehłaści, a taksama pry arhanizacyi ŭzajemadziejańnia pamiž suchaputnymi siłami i VMF.
