Nahadajem, u kancy śniežni minułaha hoda pierakryćcio mosta dało raskolinu, adna ź plitaŭ asieła na paŭmietra. Kanstrukcyja była pryznana avaryjnaj. Dla praviadzieńnia rekanstrukcyi (prablemnuju častku mosta ŭzarvali i zamianiajuć stalovymi pralotami) pad joj była stvorana budaŭničaja placoŭka. Raku Prypiać daviałosia pieranakiravać pa novym vykapanym reziervovym kanale. Ciapier «biełaruskaja Amazonka» pastupova zapaŭniaje tradycyjnaje rečyšča, raspavioŭ sb.by padrabiaznaści hałoŭny inžynier RUP «Homielaŭtadar» Siarhiej Kanakoŭ:
— Na dadzieny momant razabrana častka pieraharodki, i vada z reziervovaha rečyšča pastupova viartajecca ŭ asnoŭnaje. Pakul šyrynia patoku 10—15 mietraŭ. Heta niachutki praces. Płanujecca, što hetyja raboty buduć vieścisia da kanca miesiaca. Nieabchodna nie tolki viarnuć raku ŭ jaje naturalnaje stanovišča, ale i zasypać reziervovy kanał.
Darečy, zborka mietaličnaj kanstrukcyi, jakaja zamienić avaryjnyja praloty, užo zavieršana. Praca praviedzienaja vielizarnaja, tolki adnych zvarnych švoŭ u prajekcie — dva kiłamietry. Nastupny krok — pastavić jaje na apory. U budaŭnikoŭ jość jašče 1,5 miesiaca, kab złučyć bierahi Prypiaci. Łukašenka daručyŭ zaviaršyć budaŭnictva novaha mosta ŭ Žytkavickim rajonie da 7 listapada.
