Fota UDAI Hrodzienskaha abłvykankama.
U Hrodnie mašyna źbiła dzicia, jakoje vyjšła na darohu na čyrvony sihnał śviatłafora śledam za pjanym baćkam. Pra heta BiełTA paviedamili ŭ adździaleńni ahitacyi i prapahandy ŭpraŭleńnia DAI UUS Hrodzienskaha abłvykankama.
Avaryja adbyłasia ŭviečary 21 listapada na Indurskaj šašy. Niepadalok ad skryžavańnia z vulicaj Małachovickaj kiroŭca «Tajoty» ubačyŭ, što pierad im darohu pierachodzić čałaviek z rovaram. Piešachodam u hety momant hareŭ čyrvony.
Mužčyna paśpieŭ pierajści darohu. Ale kali lehkavik padjechaŭ da pierachodu, na prajeznuju častku vyskačyła dzicia. Kiroŭca tarmaziŭ, ale ŭ niejki momant adčuŭ udar ab mašynu.
«Na ščaście, 11-hadovy chłopčyk u miedycynskaj dapamozie nie mieŭ patreby. Spravakavaŭ jaho na parušeńnie baćka, jaki vyrašyŭ pierajści darohu na zabaranialny sihnał śviatłafora», - raspaviali ŭ DAI.
Ahlad piešachoda-parušalnika vyjaviŭ bolš čym dziesiacirazovaje pieravyšeńnie dapuščalnaj kolkaści ałkaholu ŭ kryvi.
