Patrabavańni da suiskalnikaŭ vučonych stupieniej nieabchodna jašče bolš pavysić.Takuju zadaču pastaviŭ siońnia Alaksandr Łukašenka, uručajučy dypłomy doktara navuk i atestaty prafiesara navukovym i navukova‑piedahahičnym rabotnikam.
«Niachaj daktaroŭ navuk buduć dziesiatki, ale tolki pry ŭmovie, što jany pavinny pakłaści na stoł toje, za što zaŭtra voźmucca rabotniki vytvorčaści.Ja vyvodžu za dužki fundamientalnyja daśledavańni. Doktarskaja dysiertacyja — heta adkryćcio. Inšaha padychodu być nie pavinna. I nie daj Boh, my vyjavim choć adnu dysiertacyju, dzie pakładzieny apisalny pryncyp. Takija vučonyja sa stupieniami nam nie patrebny», — zajaviŭ jon.
Alaksandr Łukašenka ličyć, što ŭ hetym pavinny być zacikaŭleny i sami vučonyja. Na jaho dumku, dziaržava maje prava zapatrabavać z vučonych za vynik, pakolki idzie im nasustrač, pavialičvajučy «canu» vučonaha: i zarpłaty, i dapłaty, i vypłaty maładym vučonym. «Patrabavańni ŭzrastuć. Prašu heta ŭličyć i nie čakać dadatkovych narmatyŭnych aktaŭ, kab realizavać heta patrabavańnie», — skazaŭ biełaruski lider.
Jon taksama dadaŭ, što ŭ bližejšy čas surjozna pravieryć, jak vykanana anałahičnaje patrabavańnie, dadzienaje ŭradu, Nacyjanalnaj akademii navuk i inšym adkaznym.
0
0
0
0
0
0
