Alaksandr Łukašenka padpisaŭ ukaz № 275 pra dziaržaŭnyja uznaharody. Miedaloŭ i ordenaŭ ŭdastojeny bolš za 80 pradstaŭnikoŭ roznych śfier dziejnaści.
Siarod ich i kamandzir vučebnaj motastrałkovaj roty 72-ha abjadnanaha vučebnaha centra Dźmitryj Filipovič, jaki ŭznaharodžany ordenam «Za asabistuju mužnaść», pieradaje pres-słužba Ministerstva abarony.
Fota: Vajskovaje infarmacyjnaje ahienctva «Vajar»
Sioleta ŭ sakaviku Dźmitryj zdiejśniŭ sapraŭdny podźvih. Na zaniatkach pa ahniavoj padrychtoŭcy, vykonvajučy praktykavańnie pa kidańni hranaty RHD-5, vajskoviec terminovaj słužby vypuściŭ jaje ŭ akop.
Kiraŭnik zaniatkaŭ staršy lejtenant Dźmitryj Filipovič paśpieŭ u ličanyja siekundy adciahnuć svajho padnačalenaha ad akopa i zakryŭ jaho svaim ciełam. Abodva vajskoŭcy tady atrymali tolki niaznačnyja traŭmy miakkich tkanak noh.