Termin realizacyi inviestprajekta pa budaŭnictvie ŭ Minsku kompleksu kala Biełdziaržcyrka pieraniesieny na 2022 hod. Heta praduhledžana ŭkazam kiraŭnika dziaržavy ad 18 vieraśnia №346, paviedamlaje BiełTA.
Kali raniej pa ŭkazie budaŭnictva šmatfunkcyjanalnaha kompleksu ŭ Minsku ŭ kvartale praśpiekt Niezaležnaści — vulica Janki Kupały — raka Śvisłač płanavałasia z haścinicaj, to ciapier heta pazicyja vyklučana.
U červieni 2018 hoda stała viadoma, što budynak la Biełdziaržcyrka ŭ Minsku, jaki pieršapačatkova płanavaŭsia jak haścinica, budzie pieraprafilavany ŭ ofisny centr. Paviedamlałasia, što centralny budynak budzie vykarystany «Śbierbankam» pad pierajezd biełaruskaha «BPS-Śbierbanka». Reštu miesca płanavałasia zadziejničać pad ofisy, kramy, kaviarni i restarany.
Raniej kiraŭnik rasijskaha «Śbierbanka» Hierman Href u efiry telekanała STV zajaŭlaŭ, što budynak la Biełdziaržcyrka na bierazie Śvisłačy płanujuć dabudavać u 2020 hodzie. Padradčyk abrany — heta adna z budaŭničych kampanij hrupy «Safmar» miljardera Michaiła Huceryjeva.