Fota MZS
U Šviecyi padtrymlivajuć spravazdaču ABSIE ab tym, što parłamienckija vybary ŭ Biełarusi nie adpaviadali mižnarodnym standartam. Pra heta padčas sumiesnaha rabočaha vizitu ź ministram zamiežnych spraŭ Finlandyi ŭ Minsk zajaviła kiraŭnik MZS Šviecyi An Linde, piša Tut.by.
An Linde padkreśliła, što ŭ suviazi sa spravazdačaj ABSIE jaje vizit u Minsk asabliva važny.
— Heta mahčymaść dla dyjałohu z kiraŭnictvam krainy i mahčymaść rastłumačyć, jak my bačym vyniki hetych vybaraŭ — u nas była važnaja dyskusija ź ministram Makiejem i prezidentam Łukašenkam. Nam patrebny dyjałoh z hetaj krainaj, ź Biełaruśsiu, kali my chočam upłyvać na padziei ŭ hetaj krainie, na raźvićcio jaje ŭ demakratyčnym klučy, a dla hetaha lepšy sposab — sustrakacca i praciahvać razmaŭlać. Na žal, Biełaruś za apošnija hady nie pravodziła vybary, jakija adpaviadali b mižnarodnym standartam, — zajaviła An Linde.
Kiraŭnik MZS Finlandyi Pieka Chaavista padkreśliŭ, što ABSIE daje rekamiendacyi ŭsim krainam, i ŭsie krainy ich vykonvajuć, u tym liku rekamiendacyi, što tyčacca źmieny vybarčaha zakanadaŭstva. Ministr taksama ličyć, što apazicyja ŭ parłamiencie pavinna być.
— Heta dazvoliła b ažyvić dyskusiju, zrabić debaty bolš źmiastoŭnymi, — skazaŭ Chaavista.