2 sakavika ŭ Łatvii byŭ zafiksavany pieršy vypadak zaražeńnia karanavirusam COVID-19. Pieršy pacyjent — žančyna, što zaraziłasia virusam u Italii. Jana dastaŭlena ŭ Centr infiektałohii, piša Delfi.

Žančyna zaraziłasia padčas znachodžańnia ŭ Miłanie. U Łatviju jana razam ź siamjoj prylacieła rejsam BT226 ź Miunchiena.

U samalocie znachodziłasia 145 pasažyraŭ, 24 ź ich lacieli ŭ radyusie dvuch radoŭ ad infikavanaha čałavieka. Vosiem ź ich źjaŭlajucca žycharami Łatvii. Usie astatnija pasažyry nie znachodzilisia ŭ kantakcie z chvorymi.

U łatvijskich uładaŭ jość śpis pasažyraŭ samalota, i z tymi, chto lacieŭ kala infikavanaj žančyny, užo viadziecca praca.

Choć šaniec zaražeńnia karanavirusam u hetym vypadku mizerny, łatvijskija miedyki rekamiendujuć usim pasažyram rejsa BT 226 Miunchien-Ryha ŭ najbližejšyja dva tydni ŭvažliva sačyć za svaim stanam zdaroŭja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?