Fota Dźmitryja Suhaniajeva
Pa stanie na siońnia amal paŭsiudna na rekach Biełarusi nazirajecca spad uzroŭniu vady. Heta budzie praciahvacca i ŭ dalejšym, paviedamili ŭ Hidramiecie, piša «Źviazda».
Źnižeńnie ŭzroŭniu vady budzie adbyvacca ź intensiŭnaściu 1-6 santymietraŭ za sutki.
Niaznačny rost uzroŭniu vady ź intensiŭnaściu 1-5 santymietraŭ za sutki ciapier nazirajecca na Zachodniaj Dźvinie na ŭčastku Suraž — Uła, Niomanie kala Hrodna i niekatorych małych rekach.
Na Niomanie kala Hrodna, Dniapry kala Mahilova, Sožy kala Kryčava i Słaŭharada ŭzrovień vady znachodzicca nižej za adznaki, jakija limitujuć sudnachodstva. A na Sožy pad Homielem uzrovień vady blizki da niebiaśpiečna nizkaj adznaki. U najbližejšyja dni tut stanuć horšymi ŭmovy dla pracy račnoha transpartu.