Tempieraturnyja rekordy pabity 17 červienia ŭ Minsku i inšych haradach Biełarusi, paviedamlaje BIEŁTA sa spasyłkaj na Hidramiet.
U Minsku ŭčora było +30,1°C, papiarednim rekordam ličyłasia tempieratura +28,8°C, zafiksavanaja ŭ 2016 hodzie.
+30,8°C było ŭ Mahilovie, raniejšy maksimum — +29,6°C u 1991 hodzie.
Na minułym tydni, 11 červienia, u Minsku było +32,5°C.
Absalutny rekord usiaho červienia ŭ Minsku byŭ amal roŭna hod tamu: 13 červienia 2019 hoda. Tady ŭ stalicy było +34°C.
Absalutny rekord leta dla Biełarusi: +38,9°C hradusa 8 žniŭnia 2010 hoda ŭ Homieli. U Minsku absalutny rekord — +35,8°C — 8 žniŭnia 2015 hoda.
Śpioka pratrymajecca jašče niekalki dzion, a z paniadziełka stanie krychu chaładniej.
