U Minsku zatrymali muzyku Maksima Subača — udzielnika muzyčnych prajektaŭ TonqiXod i Subtonans, a taksama siabra inicyjatyŭnaj hrupy Viktara Babaryki, paviedamlaje Budźma.
Pra zatrymańnie paviedamiła ŭ fejsbuku pieršaja namieśnica staršyni Biełaruskaha PEN-centra Taćciana Niadbaj.
Pa jaje słovach, uviečary ŭ niadzielu Maksim Subač byŭ na vybarčym pikiecie — heta paćviardžaje jaho žonka. Apošniaja suviaź ź im była ŭ niadzielu a 23-j.
«U paniadziełak paśla 16 hadzinaŭ mieniedžar z pracy Maksima pazvaniŭ jaho mamie i spytaŭ, dzie Maksim, bo toj nie vyjšaŭ u paniadziełak na pracu», — piša Niadbaj.
Pošuki Subača dali peŭny plon: jaho maci patelefanavali z Centralnaha RUUS Minska i paviedamili, što syn zatrymany za drobnaje chulihanstva. Paźniej paviedamili, što jaho pieravodziać u centr izalacyi pravaparušalnikaŭ (CIP) na Akreścina.
«Siońnia ŭ CIPie na Akreścina kažuć, što Maksima niama ŭ ich, a ŭ Centralnym RUUSie kažuć, što pieraviali i ŭ ich taksama niama. Nibyta zaŭtra sud», — dadaje Niadbaj.
