Scena sa śpiektakla «Vielmi prostaja historyja» Hrodzienskaha dramteatra
Dramatyčny teatr pieravodziać u režym repietycyj, admianili ŭsie śpiektakli, choć na pakazy ŭ piatnicu i subotu ŭžo raskupili ŭsie bilety. Aficyjna — praz epidemičnuju situacyju, piša Radyjo Svaboda.
Zvalniajuć akciora Ihara Ułanava, Vasila Miniča i Natallu Lavonavu pazbaŭlajuć premij i ŭsich dapłat.
Nahadajem, što na minułych vychodnych akciory Hrodzienskaha teatra spynili śpiektakl, daviedaŭšysia, što ich kalehi: zasłužany artyst Biełarusi, režysior-pastanoŭščyk i akcior Siarhiej Kurylenka i jaho žonka Valancina Charytonava, — zatrymanyja na akcyi pratestu.
Ihar Ułanaŭ tady vyjšaŭ na scenu i ahučyŭ hledačam, što jany prypyniajuć śpiektakl, bo vymušanyja jechać u RAUS, kali ich kalehi zatrymanyja.
Sprava mieła praciah, akcioraŭ vyklikali da dyrektara, a ŭ teatr pryjazdžaŭ kiraŭnik Hrodzienskaj vobłaści Uładzimir Karanik.
«Sustrakali nas jak hierojaŭ — płakali ŭsie». U Hrodnie akciory teatra spynili śpiektakl, kali daviedalisia, što ich kaleh zatrymaŭ AMAP
