Pravaabaroncy źviarnulisia da śpiecyjalnych dakładčykaŭ AAN z nahody paharšeńnia stanu zdaroŭja palitviaźnia Viačasłava Rahaščuka, jaki ŭtrymlivajecca ŭ SIZA-6 u Baranavičach u ramkach kryminalnaj spravy ab masavych biesparadkach u Pinsku.
Pravaabaroncy zaklikali da ŭmiašalnictva śpiecdakładčycy pa pytańni ab stanoviščy ŭ halinie pravoŭ čałavieka ŭ Biełarusi Anais Maryn i śpiecdakładčyka pa pytańni ab katavańniach i inšych žorstkich, biesčałaviečnych abo prynižajučych hodnaść vidach abychodžańnia i pakarańnia Nilsa Mielcera ŭ situacyju z nahody nieakazańnia palitviaźniu miedycynskaj dapamohi ŭ izalatary.
Zdaroŭje Viačasłava Rahaščuka znachodzicca ŭ niebiaśpiecy. U kožnym liście palitviazień Viačasłaŭ Rahaščuk piša pra paharšeńnie svajho zdaroŭja, paviedamlaje spring96.org.
Kala miesiaca tamu Viačasłaŭ napisaŭ rodnym, što ŭ izalatary jamu dyjahnastavali «krovaźlićcio, strasieńnie mozhu abo traŭmu hałavy» albo «mikrainsult». U liście ad 4 listapada jon piša, što stan jaho zdaroŭja paharšajecca. Jon napisaŭ svajoj siastry Kaciarynie, što ŭ jaho dranćviejuć palcy na rukach, jon pierastaje adčuvać ruku, amal nie adkryvajecca pravaje voka. Palitviazień skardzicca pa-raniejšamu na zvon u hałavie, boli ŭ baku žyvata.
Pry takich abstavinach jon moža pazbavicca pracazdolnaści.
