«Biaśpieka pacyjenta — vyšejšy pryjarytet dla AstraZeneca. Rehulatary ŭchvalajuć tolki vielmi efiektyŭnyja i biaśpiečnyja vakcyny, i vakcyna AstraZeneca — adna ź ich. Biaśpieka vakcyny staranna vyvučałasia, i (…) paćvierdžana, što ŭ cełym jaje dobra pieranosiać», — zajaviŭ pradstaŭnik kampanii.
Na ciapierašni momant dzieviać jeŭrapiejskich krain spynili abo časova abmiežavali vakcynacyju preparatam AstraZeneca z-za trambozu ŭ pacyjentaŭ, jakija paśpieli im pryščapicca. Aŭstryja, Estonija, Łatvija, Litva i Luksiemburh spynili vykarystańnie preparata z kankretnaj partyi ŭ miljon doz, jakaja była pastaŭlena ŭ 17 krain Jeŭropy. Pry hetym Danija, Isłandyja i Narviehija spynili ŭsie svaje pastaŭki hetaj vakcyny.
Danija prypyniła vakcynacyju AstraZeneca paśla ŭskładnieńniaŭ u šerahu ludziej
Usiaho, pa źviestkach Jeŭrapiejskaha ahienctva lekavych srodkaŭ (EMA), na terytoryi abjadnańnia zafiksavali 22 vypadki trambozu na try miljony pryščeplenych AstraZeneca. U rehulatary nie źviazvajuć hetu źjavu z užyvańniem vakcyny, adnak rasśledavańnie vypadkaŭ śmierci praciahvajecca.
