president.gov.by
«Nie, źlićcio dziaržaŭ u adnu — nie», — skazaŭ jon, adkazvajučy na pytańnie. «A pytańni intehracyi: intehracyja — heta ž pastajanny praces, heta žyvy miechanizm. Pytańni intehracyi pastajanna na paradku dnia», — dadaŭ jon.
Pucin i Łukašenka nie stavili za metu vyjści na praryŭnyja damoŭlenaści, a abmiarkoŭvali biahučyja spravy, u tym liku ŭ enierhietycy, paviedamiŭ Piaskoŭ.
«Dastatkova praciahłyja byli pieramovy, pracoŭnaje prahavorvańnie pa ekanamičnym uzajemadziejańni», — skazaŭ jon. Pavodle jaho danych, lidary havaryli ab supracoŭnictvie ŭ vysokatechnałahičnych halinach, enierhietycy i inšych śfierach.
«U asnoŭnym [siarod tem] handlova-ekanamičnaje supracoŭnictva», — adznačyŭ Piaskoŭ. Pa jaho słovach, u chodzie sustrečy lidaraŭ abmiarkoŭvalisia «biahučyja spravy».
«Niejkaj mety vyjści na niejkija praryŭnyja damoŭlenaści nie stajała, heta zvyčajny pracoŭny praces, jaki źjaŭlajecca nieabchodnym dla štodzionnaha funkcyjanavańnia našych sajuźnickich adnosin», — padkreśliŭ pradstaŭnik Kramla.
Piaskoŭ admoŭna adkazaŭ na pytańnie, ci ŭzdymałasia na sustrečy tema źjaŭleńnia rasijskaj vajskovaj bazy ŭ Biełarusi.