Viartańnie praz Kierčanski most. Fota Minabarony Rasii
Vajskoŭcy i bajavaja technika, u tym liku tanki, bajavyja mašyny piachoty i artyleryjskija ŭstanoŭki, pa čyhuncy viartajucca ŭ punkty pastajannaj dysłakacyi. Pavodle źviestak vajskoŭcaŭ, vojski ŭžo pierasiekli Kierčanski praliŭ pa Krymskim moście.
Pierad zaviaršeńniem vučeńniaŭ raźliki reaktyŭnych sistem załpavaha ahniu «Urahan» i «Hrad» praviali bajavyja strelby na palihonie Apuk za 40 kiłamietraŭ ad Kierčy.
15 lutaha Ministerstva abarony Rasii paviedamiła, što padraździaleńni Zachodniaj i Paŭdniovaj vajskovych akruhaŭ rychtujucca viarnucca ŭ voinskija harnizony paśla vučeńniaŭ.
U viedamstvie nie ŭdakładniali, ź jakich rehijonaŭ buduć viartacca vajskoŭcy.
U Ministerstvie adznačyli, što inšyja vajskovyja akruhi (Centralnaja i Uschodniaja, Paŭnočny fłot), fłaty i padraździaleńni PDV praciahvajuć udzielničać u vučeńniach.
Daśledčaja hrupa Conflict Intelligence Team (CIT) paviedamlała, što pa stanie na viečar 13 lutaha ŭ Čornym mory znachodziłasia hrupoŭka z 11 vialikich desantnych karabloŭ. Akramia taho, u Čornym i Mižziemnym morach znachodzilisia try krejsierskija ŭdarnyja hrupy na čale z tryma rakietnymi krejsierami «Atłant».
Zasnavalnik CIT Rusłan Lavijeŭ kazaŭ 6 lutaha telekanału «Dožd́», što na palihonie Apuk u Krymie zaŭvažyli «kadyraŭcaŭ» — połk «Poŭnač», jaki dysłakavany ŭ Hroznym i ŭvachodzić u strukturu Rashvardyi. Ab viartańni hetaha padraździaleńnia ŭ Hrozny pakul nie paviedamlałasia, zaŭvažaje «Mieduza».
