Lidaram pa vydatkach na abaronu ŭ 2021 hodzie stali ZŠA, jany patracili na ŭzbrajeńnie bolš za $800 młrd.

Pry hetym amierykancy źmienšyli vajennyja vydatki na 1,4% u paraŭnańni z 2021 hodam. Za apošnija dziesiać hadoŭ ZŠA pavialičyli inviestycyi ŭ vajskovyja daśledavańni i raspracoŭki (hety artykuł vydatkaŭ vyras na 24%) i skaracili vydatki na zakupku hatovaha ŭzbrajeńnia (—6,4%).

Druhoje miesca zaniaŭ Kitaj, jaki bieśpierapynna naroščvaje abaronny biudžet apošnija 27 hadoŭ. Na KNR prypadaje kala 14% usich vajennych vydatkaŭ u śviecie.

U minułym hodzie Piekin vydatkavaŭ na ŭzbrajeńnie kala $293 młrd, što na 4,7% bolš, čym u 2020 hodzie.

U piaciorku lidaraŭ pa vajennych vydatkach taksama ŭvajšli Indyja ($76, 6 młrd, +0,9%) i Vialikabrytanija ($68,4 młrd, +3%).

Rasija zaniała piataje miesca, jaje vydatki vyraśli na 3% i skłali $65,9 młrd, heta na 2,9% bolš, čym na hod raniej.

Pavodle spravazdačy, vydatki Rasii na abaronu skaračalisia z 2016 da 2019 hoda pad ciskam sankcyj, uviedzienych paśla dałučeńnia Kryma, ale pajšli ŭharu ŭ 2021 hodzie dziakujučy vysokim prybytkam ad prodažu nafty i hazu.

Vajskovyja vydatki Ukrainy stali chutka pavialičvacca paśla 2014 hoda, kali byŭ anieksavany Krym i pačalisia bajavyja dziejańni na ŭschodzie krainy. Da 2021 hodzie vydatki vyraśli na 72%. Adnak u minułym hodzie na abaronu było vydatkavana na 8,5% mienš ($5,9 młrd).

Ahułam suśvietnyja vajskovyja vydatki raśli z 2015 hoda na fonie rostu mižnarodnaj napružanaści, vyklikanaj rasijskaj ahresijaj suprać Ukrainy. Da hetaha ŭ 2011—2014 hadach vydatki źmianšalisia.

Jak patłumačyła Bloomberg dyrektarka prahramy SIPRI ab vajskovych vydatkach i vytvorčaści ŭzbrajeńniaŭ Lusi Biero-Sudro, paśla pačatku rasijskaha ŭvarvańnia va Ukrainu 24 lutaha 2022 hoda rost vydatkaŭ na abaronu dakładna nie spynicca.

«U Jeŭropie ŭžo była tendencyja da rostu, i hetaja tendencyja budzie paskaracca i ŭzmacniacca», — padkreśliła jana. Niekatoryja artykuły vajskovych vydatkaŭ naohuł składana adsačyć, tamu jany mohuć być jašče vyšejšymi. Naprykład, vajna va Ukrainie pakazała, što słabymi miescami armii RF źjaŭlajucca drennaja arhanizacyja łahistyki, słaboje vykarystańnie abaronienaj suviazi, niedachop paliva i šynaŭ.

«Vydatki ŭ hetych halinach mohuć być mienš prykmietnymi, ale situacyja va Ukrainie pakazała, nakolki jany važnyja dla viadzieńnia vajny», — skazała Biero-Sudro.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?