26 červienia pamierła Alaŭcina Viačorka, biełaruskaja vykładčyca, redaktarka, hramadskaja dziajačka. Joj było 86 hadoŭ.
Fiłołah pavodle adukacyi, vykładčyca biełaruskaj i ruskaj movaŭ, jana pracavała ŭ Breście školnaj nastaŭnicaj, paźniej u Minsku litaraturnym redaktaram. Da 2002 hoda — viadučaja redaktarka ŭ vydaviectvie «Biełaruś».
Była siarod inšaha redaktarkaj materyjałaŭ siesij parłamienta, pierakładaŭ na biełaruskuju movu suśvietnaj kłasiki, papularnych dziciačych knih Anatola Kłyški. Na praciahu mnohich hod aktyŭna dapamahała Tavarystvu biełaruskaj movy i biełaruskim hazietam.
Aktyŭna ŭdzielničała ŭ hramadska-kulturnym žyćci.
Akramia prafiesijnaj i hramadska-kulturnaj dziejnaści, jana vyhadavała cudoŭnych naščadkaŭ. Jaje syn Valancin (Vincuk) i ŭnuk Franak Viačorki — viadomyja biełaruskija kulturnyja i hramadska-palityčnyja dziejačy.
«Naša Niva» vykazvaje im, a taksama inšym rodnym i blizkim spadaryni Alaŭciny svaje ščyryja spačuvańni.
Raźvitańnie adbudziecca ŭ aŭtorak, 28 červienia.
