Paśla ŭvarvańnia Rasii va Ukrainu zachodnija krainy paabiacali admovicca ad syroj nafty. Miž tym, pastaŭki ŭ Aziju naadvarot imkliva vyraśli.
Kitaj amal padvoiŭ spažyvańnie rasijskaj syroj nafty ŭ siarednim da 1,13 miljona baralaŭ na dzień u červieni z 670 000 baralaŭ na dzień u lutym. U minułym miesiacy Indyja kuplała prykładna adzin miljon baralaŭ na dzień u paraŭnańni z faktyčna nulavym pakazčykam u pieršyja dva miesiacy hetaha hoda.
Pavodle brokieraŭ, hrečaskija ŭładalniki tankieraŭ, jakija kantralujuć kala traciny suśvietnaha fłotu takoha kštałtu, pieravieźli kala pałovy abjomaŭ rasijskaj syroj nafty ŭ mai i červieni.
Nahadajem, sankcyi ES, jakija praduhledžvajuć zabaronu na pastaŭki rasijskaj nafty ŭ Jeŭropu, ustupiać u siłu 5 śniežnia. Pieravozki za miežy kantynienta apierataram tankieraŭ nie buduć zabaronienyja, ale sudny nie zmohuć atrymać strachavoha pakryćcia, što zrobić lubyja płavańni niezakonnymi pavodle mižnarodnaha marskoha prava.
Uładalniki bujnych jeŭrapiejskich tankieraŭ kažuć, što sankcyi mohuć prymusić časova prypynić płavańnie kala traciny ich fłotu.
