Rejtynh Biełarusi ŭpaŭ da «abmiežavanaha defołtu» pa zakančeńni 14-dzionnaha lhotnaha pieryjadu pa vypłacie kupona pa jeŭraablihacyjach 2027 hoda.
«29 červienia Ministerstva finansaŭ, Saviet Ministraŭ i Nacyjanalny bank Biełarusi sumiesna abviaścili, što płaciažy ŭ dołarach ZŠA pa jeŭraablihacyjach zamiest hetaha buduć pieraličanyja ŭ biełaruskich rublach na rachunak u AAB «Biełarusbank», dostup da jakoha budzie mieć płaciežny ahient. Adnak płaciež u nacyjanalnaj valucie supiarečyć dakumientacyi ablihacyj, jakaja nie dazvalaje ažyćciaŭlać raźliki ŭ alternatyŭnych valutach. Tamu płaciež nie byŭ ažyćcioŭleny pa pieršapačatkovych umovach i nie ažyćcioŭleny da kanca lhotnaha pieryjadu», — paviedamiła Fitch.
Jak adznačaje ahienctva, źnižeńnie rejtynhu tyčycca tolki doŭhaterminovych źniešnich daŭhavych abaviazacielstvaŭ. Doŭhaterminovy rejtynh Biełarusi ŭ miascovaj valucie zastajecca «SSS» (mahčymy defołt).
Nahadajem, 14 lipienia skončyŭsia lhotny pieryjad, na praciahu jakoha Biełaruś pavinna była vypłacić 22,9 młn dalaraŭ pa dziesiacihadovych jeŭraablihacyjach Belarus-27. Pakolki Minfin Biełarusi pravioŭ płaciež u nacyjanalnaj valucie, trymalniki źniešniaha doŭhu biełaruskich emitentaŭ nie zmahli atrymać vypłaty.
