Fota: sajt Biełhazprambanka

Fota: sajt Biełhazprambanka

«Zatrymali 11 čałaviek, usie — inkasatary banka, — raspavioŭ «Zierkału» adzin z čytačoŭ. — Usich abvinavacili ŭ niepadparadkavańni milicyi i dali pa 14 sutak.

Supracoŭnik Biełhazprambanka taksama paćvierdziŭ: zatrymańni inkasataraŭ byli.

«Niekatorych zatrymlivali davoli žorstka. Adnamu navat złamali plačo abo ruku — nibyta za akazańnie supracivu. U samich inkasataraŭ doma prajšli pieratrusy», — skazaŭ jon. Za što zatrymlivali supracoŭnikaŭ, mužčyna dakładna nie viedaje.

«U nas tolki ŭryŭkavyja źviestki. Byccam by za abrazu Łukašenki va ŭnutranym čacie. Kažuć, chtości źliŭ ich pierapisku».

Pavodle źviestak rabotnika banka, zatrymanyja «10 abo 11 čałaviek», u tym liku i načalnik słužby inkasacyi.

«Ciapier jany na Akreścina, ale kažuć, što imi ŭžo cikavicca SK, — dadaje supracoŭnik.

Telehram-kanał «MotolkoPomohi» 8 vieraśnia paviedamlaŭ, što zatrymanych bolš — 14 čałaviek.

Pra takuju ž kolkaść jon praciahvaje śćviardžać i ciapier. Akramia taho, pa jahonaj infarmacyi, siońnia ŭ banku prajšła atestacyja staršyni praŭleńnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?