Vidavočna, rasijskaje vajskovaje kamandavańnie vyniesła ŭroki z papiarednich infarmacyjnych i apieratyŭnych pravałaŭ padčas ukrainskaha kontrnastupu ŭ Charkaŭskaj vobłaści i tamu sprabuje zahadzia minimizavać nastupstvy svaich niaŭdač u adbićci čarhovaha paśpiachovaha ŭkrainskaha nastupu, miarkujuć analityki.
Na ich dumku, Kreml moža pasprabavać vykarystoŭvać hetuju pravakacyju dla taho, kab zahłušyć naviny ab trecim źnievažalnym adstupleńni rasijskich vojskaŭ.
Rasijskija vojski taksama rychtujuć infarmacyjnaje zabieśpiačeńnie dla ažyćciaŭleńnia pravakacyi pad čužym ściaham na Kachoŭskaj hidraelektrastancyi. Mahčyma, rasijskaje kamandavańnie miarkuje, što razbureńnie damby dazvolić prykryć ich adstupleńnie z pravaha bieraha Dniapra i praduchilić ci zapavolić pieraadoleńnie ŭkrainskimi vojskami vodnaj pieraškody.
Pa ŭsioj bačnaści, zajavy, jakija prahučali napiaredadni, ab nibyta udarach USU pa dambie Kachoŭskaj HES mieli svajoj metaj zabiaśpiečyć infarmacyjnaje prykryćcio dla razbureńnia damby rasijskimi vojskami i nastupnaha abvinavačvańni Ukrainy ŭ pryčynienaj škodzie i hibieli ludziej, a taksama dla prykryćcia adstupleńnia rasijskaj armii ŭhłyb Chiersonskaj vobłaści, ličać amierykanskija ekśpierty.
