Daroha Kryčaŭ—Čerykaŭ, 27 listapada. Fota: pablik «Mohilev siejčas»
Za dzień u vobłaści vypała ad 7 da 11 mm apadkaŭ (dekadnaja norma składaje 14 mm). U Mahilovie vypała 14 mm.
U subotu i niadzielu byli prablemy z elektryčnaściu ŭ 476 nasielenych punktach. Parušałasia praca 1480 transfarmatarnych padstancyj, 102 MTF, paviedamlaje MNS.
Na 6 ranicy 27 listapada byli adklučany 74 nasielenyja punkty, 152 transfarmatarnyja padstancyi ŭ Klimavickim, Kaściukovickim, Kryčaŭskim, Čavuskim i Čerykaŭskim rajonach.
Padraździaleńni MNS za sutki ździejśnili 26 vyjezdaŭ na ŭborku pavalenych dreŭ.
Na trasie Mahiloŭ—Babrujsk fura vylecieła ŭ kiuviet, 26 listapada. Fota: pablik «Avto Mohilev»
Kryčaŭ
Mahiloŭ
DTZ na Bołdzina, Mahiloŭ. Fota: pablik «Avto Mohilev»
Mahiloŭ, vulica Kulašova. Fota: pablik «DTP i ČP Mohilev»
U subotu kala vioski Zaścienki pad Mahilovam lehkavik sutyknuŭsia z hruzavikom, zahinuła 15-hadovaja dziaŭčynka.
46-hadovy kiroŭca mašyny Renault nie ŭličyŭ umovy nadvorja i niebiaśpiečna zbliziŭsia z traktaram, jaki prybiraŭ prajeznuju častku i ruchaŭsia ŭ spadarožnym kirunku. U vyniku aŭto zaniesła na sustrečnuju pałasu, dzie lehkavik sutyknuŭsia z hruzavikom Scania.
Ad atrymanych traŭmaŭ 15-hadovaja dziaŭčynka, jakaja znachodziłasia ŭ Renault, zahinuła na miescy. Kiroŭcu i jašče adnu jahonuju pasažyrku špitalizavali.
Paŭpłyvała na trahičny zychod toje, što na lehkaviku zimovyja šyny byli z mocnym znosam pratektara.
