U adpaviednaści z novym pahadnieńniem, Rasii dazvalajecca ekspartavać naftu marskim šlacham u trecija krainy, vykarystoŭvajučy tankiery krain «Vialikaj siamiorki» abo ES, a taksama pasłuhi ich strachavych kampanij i finansavych arhanizacyj tolki ŭ tym vypadku, kali nafta nabyta pa canie ŭ miežach ustanoŭlenaj stoli.
Rasija zajaŭlaje, što novyja rašeńni Zachadu tolki destabilizujuć hłabalnyja enierhietyčnyja rynki, ale nijak nie paŭpłyvajuć na zdolnaść Maskvy finansavać svaju tak zvanuju śpiecyjalnuju apieracyju va Ukrainie.
Miž tym, pa infarmacyi haziety Financial Times, u śviatle novych mier Turcyja zapatrabavała, kab kožny tankier, jaki prachodzić praź jaje pralivy, pradjaviŭ poŭnaje strachavoje pakryćcio.
Tamu ciapier tankiery, pieršy ź jakich prybyŭ u tureckija vody jašče 29 listapada, vymušanyja byli stać na jakar u pralivaŭ Basfor i Dardanieły, jakija złučajuć čarnamorskija party Rasii ź mižnarodnymi rynkami.
