Stała viadoma, što žančynu abvinavacili ŭ tym, što jana ŭ Viber u supołcy «Chvościki», stvoranaj dla dapamohi biazdomnym žyviołam, «pakinuła zaklik uziać udzieł u śviatkavańni adkryćcia chatki dla katoŭ z sumiesnym čajavańniem».
U pastanovie suda adznačyli, što pry vyznačeńni vidu spahnańnia sudździa ŭličvała «charaktar i stupień hramadskaj škodnaści ździejśnienaha administracyjnaha pravaparušeńnia, jakoje adnosicca, u adpaviednaści z KaAP, da katehoryi hrubych, nakiravanych na destabilizacyju abstanoŭki ŭ hramadstvie i dziaržavie».
Sudździa Julija Viaršynina aryštavała Alenu Mirašničenka na 15 sutak.